नयाँ “भेडाको ऊन जस्तो” कि पुरानो “भेडाको ऊन जस्तो?” अनि पुरानोमा पनि ‘हिउँको जस्तो’ कि ‘हिउँको धर्सो?’ मैले भर्खरै आएको ‘भेडाको ऊन जस्तो’ गीत हेरेँ । अनि त्यहाँ भएको त्यो ‘भेडाको ऊन जस्तो’ पङ्क्ति जहाँबाट आएको हो, त्यो गीत सम्झिएँ । पीर लाग्यो । नयाँको त्यसको वरपरको लेखनमा पुरानोमा भएको काव्यिक गहिराइको एक छेउ पनि थिएन । लेखक नारायण वाग्लेले नेपालको लाङटाङ क्षेत्रमा तामाङहरूले गाउने गरेको भाका र शब्द सङ्कलन गरेर बनाएको पुरानो गीतमा ‘भेडाको ऊन जस्तो’ भन्ने पङ्क्ति झट्ट सुन्दा सामान्य सुनिन्छ । तर, यहाँ भेडाको ऊन सुन्दर विम्ब भएर आएको छ । तर नयाँमा त्यस्तो बिम्ब चेत कतै देखिन्न । अनि सुन्दै गर्दा थाहा भयो पुरानो गीतमा भएको एउटा पङ्क्ति पनि धेरैले गलत गाउँदा रहेछन् । भन्दा रहेछन् ‘हिउँको जस्तो पग्लेर आयो’, तर खासमा हिउँको धर्सो भनिएको हो । हुन त यो विशुद्ध व्यक्तिगत छनोटको कुरा हो । पुरानो लोकगीतको कुनै टुक्रा नयाँ स्वरूपमा ल्याउनु अनि त्यसमा केही शब्द थपेर बनाउनु नराम्रो हो जस्तो पनि मलाई लाग्दैन । तर, कम्तीमा पुरानो गीतको भावलाई अलिकति बुझेर नयाँ शब्द खोज्नलाई अलिकति गहिराइमा गइदिएको भए यो गीतले सुन्दर नयाँ जीवन पाउने थियो जस्तो मलाई लाग्छ । तपाईंलाई के लाग्छ भन्नुहोला । Script and Performance: @Suraj Subedi Video editing: @Surakshyan Khanal Proofreading: @Lenin Banjade #subtextwithsuraj #bhedakooonjasto #narayanwagley #nepathaya — @subtextwithsuraj TikTok