🙏🐘 විශ්ව රාජා වෙනුවෙන් රැයක් පහන් කළ තවත් දවසක්… ❤️ අද දවසත් ගෙවුණේ විශ්ව රාජා වෙනුවෙන් කළ හැකි දේ උපරිමයෙන් කරන්න උත්සාහ කරමින්. විශ්ව රාජාට අවශ්‍ය කෑම බීම සූදානම් කරලා, ඔහු වෙනුවෙන් අවශ්‍ය දේවල් සපයන්න අපි අපට හැකි අයුරින් කැපවුණා. ඒ අතරතුර වනජීවී නිලධාරීන් ඇවිත් විශ්ව රාජාව පරීක්ෂා කළා. ඔහුගේ තත්ත්වය ගැන සොයා බැලුවා. දැන් අපේ ලොකුම බලාපොරොත්තුව ඔහුව උඩවලවට රැගෙන ගොස්, අවශ්‍ය ප්‍රතිකාර සහ රැකවරණය ලබාදී, නැවත දෙපයින් නැගී සිටින තත්ත්වයට පත් කිරීමයි. ඒ වෙනුවෙන් අපි තවමත් උත්සාහ කරනවා. 🙏 අදත් මේ ගමන ලේසි වුණේ නැහැ. මහන්සිය, නිදිමත, වෙහෙස හැමදේම තිබුණත් විශ්ව රාජාගේ අනාගතය ගැන හිතනකොට මේ සියල්ල දරාගන්න හිත හදාගන්න පුළුවන්. ඒ නිසා මහකුඹුක්වැව රජමහා විහාරය අසල මේ රාත්‍රියත් පහන් කලේ විශ්ව රාජා වෙනුවෙන් හෙට දවසේ තවත් පියවරක් ඉදිරියට තබන්න බලාපොරොත්තුවෙන්. මට අවශ්‍ය ප්‍රසිද්ධියක් නෙවෙයි. විශ්ව රාජාට නැවත නැගී සිටින්න අවස්ථාවක් ලැබෙනවා දකින්නයි. 🐘❤️ සතෙකුගේ ජීවිතයක් වෙනුවෙන් අපි කරන දේවල්වල වටිනාකම තීරණය වෙන්නේ කතා කරන වචනවලින් නොවෙයි, ඒ ජීවිතය වෙනුවෙන් අපි ගන්නා ක්‍රියාමාර්ගවලින්. විශ්ව රාජා වෙනුවෙන් අපේ උත්සාහය දිගටම පවතිනවා. 🙏❤️ #විශ්ව_රාජා #වනජීවී_රැකවරණය #මනුෂ්‍යත්වය #සත්ව_කරුණාව #චක්‍රවර්තී_මහරජ — @vishwabuddhamuni TikTok