पूर्वतयारीमा केही ठोस काम नगर्ने अनि विपद् आएपछि एक-अर्कालाई दोषारोपण गर्ने प्रवृत्ति यसपटक पनि देखिएको छ । अनि सामाजिक सञ्जालमा हालिएका सामग्री अनि त्यसमा पनि पीडितप्रति गरिएका कतिपय कमेन्ट पढ्दा हामी नेपाली कति धेरै असंवेदनशील र अमानवीय भइसकेछौँ भन्ने पनि देखिएको छ । यो एक-आपसमा लड्ने बेला होइन । हाम्रो साझा शत्रु यस्ता प्राकृतिक विपत्ति हुन् । हामी यस्तो बेला वा यस्ता मुद्दामा कुनै पक्ष वा विपक्ष भएर होइन, सँगै डटेर लड्नु पर्छ । त्यसैले यो गीतले भने जस्तै, नगरौँ अब अबेर कुर्दै छ उज्यालो सबेर सासभन्दा प्यारो सहास मिलिजुली गरौँ प्रयास हरेक नेपालीको मुटु छियाछिया पारिदिने यो बाढीको घटना हाम्रो लागि ठूलो पाठ बनोस् । खोला, नदीको छेउमा बसेका कयौँ सहर छन् । यस्ता विपद् फेरि पनि आउन सक्छन् भनेर त्यसका लागि तयारी गरियोस् । विपद्अघिको तत्परता अनि विपद्पछिको चुस्तता अझै बलियो होस् । सङ्घ, प्रदेश र स्थानीय सरकारले अझै गतिलो गरी सहकार्य गरून् । अनि हामी नेपाली अझै मानवीय र संवेदनशील बनौँ । ताकि छिट्टै असान्दर्भिक बनोस्, नाइट ब्यान्डको यो गीत। नोट: सीमित स्रोत साधनको बाबजुद, कठिन भूगोलमा पनि फिल्डमा खटेर उद्धार र राहतको काममा अहोरात्र लाग्ने सरकारी संयन्त्र, नेपाली सेना, सशस्त्र प्रहरी, नेपाली प्रहरी, चिकित्सक तथा अन्य विषय विज्ञहरू, पत्रकारहरू, अनि राहत पुर्याउन लागिपर्ने सबै सहयोगी हातहरूप्रति हाम्रो धेरै धेरै सम्मान छ । Script and Performance: @Suraj Subedi Video editing: @Surakshyan Khanal Proofreading: @Lenin Banjade #subtextwithsuraj #tuhinakochhahaibhara #nightband #whattowatch — TikTok de @subtextwithsuraj