ရေကြီးမှု ကာကွယ်ရေးနှင့် ကားလမ်း ပူးတွဲအသုံးပြုသည့် နှစ်မျိုးသုံး ဥမင် မလေးရှားနိုင်ငံ၊ ကွာလာလမ်ပူမြို့တွင် ယာဉ်ကြောပိတ်မှု့အတွက် ဖြေရှင်းရန် မြေအောက် ဥမင်လမ်းများ ဖေါက်လုပ်ထားသည်။ ထိုထဲတွင် မိုးကြီးပါက ရေနုတ်မြောင်းအဖြစ်ပါ ပူးတွဲ အသုံးပြုနိုင်သည့် မော်တော်ယာဉ်မောင်းနှင်ရန် မြေအောက်ဥမင်လမ်းတခုလည်းရှိသည်။ ထို စမတ် ဥမင်၏ တောင်ဘက် ထွက်ပေါက်/တိုးဂိတ် သည် မလေးရှား၏ ရှေးကျလှသော လေဆိပ်ဟောင်းကြီးဖြစ်သည့် Simpang Airport တပ်မတော် လေတပ်စခန်း၏ အနီးနားတွင် တည်ရှိပါသည်။ ထို SMART Tunnel သည် ကမ္ဘာပေါ်တွင် ပထမဆုံးသော ရေကြီးမှု ကာကွယ်ရေး နှင့် မော်တော်ကားလမ်း ပူးတွဲအသုံးပြုသည့် နှစ်မျိုးသုံး ဥမင် ဖြစ်ပြီး အဆင့် (၃) ဆင့်ဖြင့် လုပ်ဆောင်ပါသည် ။ မိုးမရွာဘဲ ပုံမှန်အချိန်များတွင် ဥမင်၏ အထက်ထပ်နှင့် အောက်ထပ် ကားလမ်း နှစ်ခုစလုံးတွင် မော်တော်ယာဉ်များ (အသေးစားကားနှင့် တက္ကစီများ) ပုံမှန် မောင်းနှင်ခွင့်ပြုထားသည်။ မိုးစတင်သည်းထန်လာပါက မိုးရေများကို ကားလမ်းအောက်ဘက် သီးသန့်ပြုလုပ်ထားသော ရေနုတ်မြောင်းထဲသို့ စီးဝင်စေသည်။ ကားလမ်းနှစ်ထပ်လုံးတွင် မော်တော်ယာဉ်များ ဆက်လက်မောင်းနှင်နိုင်သည်။ ကွာလာလမ်ပူမြို့ထဲ ရေကြီးနိုင်ခြေ အလွန်မြင့်မားလာပါက ကားလမ်း ဥမင်တစ်လျှောက်ကို မော်တော်ယာဉ်များ လုံးဝမောင်းနှင်ခွင့် ပိတ်လိုက်ပြီး ကားများအားလုံး ဥမင်အတွင်းမှ ထွက်ခွာပြီးသည်နှင့် အလိုအလျောက် ရေကာတံခါးများ ပွင့်သွားကာ မိုးရေများကို ဥမင်တစ်ခုလုံးအတွင်းသို့ အပြည့်စီးဝင်စေလျှက် ကွာလာလမ်ပူမြို့လယ် ရေကြီးမှုမဖြစ်အောင် ရေလွှဲပေးပါသည်။ (မိုးစဲ၍ ရေများကုန်စင်အောင် စုပ်ထုတ်သန့်ရှင်းရေးလုပ်ပြီးမှ ကားလမ်းအဖြစ် ပြန်လည်ဖွင့်လှစ်ပေးပါသည်)။ #popularmyanmar #popularnews #news — @popularnewsjournal TikTok