प्रहरी अनुसन्धान अनुसार august 18 को राति ११:३० देखि august 19 को मध्यरात १२:२५ बजेको समयमा तीन जना अभियुक्त फुकुओकाको चुुओ वार्डस्थित कियोकावामा रहेको लक्ष्मीको अपार्टमेन्टमा पुगेका थिए। सो क्रममा भान्सामा प्रयोग हुने भाँडाले टाउकोमा प्रहार गरी उनलाई गम्भीर घाइते बनाएर त्यसपछि बाल्कोनीबाट सिधै नदीमा फालिएको प्रारम्भिक अनुसन्धानले देखाएको छ। लक्ष्मीको निधारमा गहिरो चोट तथा शरीरका विभिन्न भागमा धारिलो हतियार वा वस्तुले काटेका निशानहरू फेला परेका छन्। कोठामा रगतका टाटा तथा हातपात भएका स्पष्ट प्रमाणहरू भेटिएकाले उनीमाथि निरन्तर शारीरिक हिंसा भएको प्रहरीले जनाएको छ। पक्राउ परेका व्यक्तिहरू रज्जु तामाङ (२८): फुकुओकाको हाकाता वार्ड निवासी, भोकेसनल स्कुलकी विद्यार्थी (मुख्य आक्रमणकारीको आशंका) अस्मिता तामाङ (२५): सागा प्रिफेक्चरको तोसु निवासी प्रविन लामा (२२): सागा प्रिफेक्चरको तोसु निवासी, विद्यार्थी प्रहरीले रज्जु तामाङको प्रत्यक्ष संलग्नतामा लक्ष्मीलाई नदीमा खसालिएको आशंका गरेको छ। घटनाको यकिन कारणबारे स्थानीय प्रहरीले थप अनुसन्धान गरिरहेको छ। मृतक लक्ष्मी राजवंशी सन् २०२३ को मे महिनामा विद्यार्थी भिसामा जापान आएकी थिइन्। उनी एक स्थानीय भोकेसनल स्कुलमा अध्ययनरत रहँदै रेस्टुरेन्टमा काम गर्दै आएकी थिइन्।#justicefor #laxmirajbanshi #japannews #nepaliinjapan #japan — @b.h.a.r.a.t8 TikTok