यहाँ गाएको गीत र लेखिएको शब्दमा के मिलेको छैन, पत्ता लगाउन सक्नुहुन्छ ? मास्टर मित्रसेनको शब्द तथा सङ्गीत रहेको यो गीतको कथामा वैदेशिक रोजगारीले परिवारमा बिछोड पार्ने भन्दै युवती नेपालमै बस्न आफ्नो स्वामी अर्थात् श्रीमानलाई अनुरोध गर्छिन् । अनि एकठाउँमा भन्छिन्, ‘हेर आफ्नै मुलुक छ बेस ।’ तर यही भागको लिरिकल भिडियो बनाउँदा म्युजिक नेपालले लेखेको छ, ‘हेर आफैँमा लुक्छ भेष’ — जसको गीतको भावसँग टाढा कतैको सम्बन्ध पनि छैन । म्युजिक नेपालसँग नेपालका धेरै पुराना गीतको कपिराइट छ । त्यसैले त्यस्ता गीतहरूको भिडियो उसकै च्यानलमा धेरै अपलोड भएका छन् । तर, यसरी लिरिकल भिडियो बनाउँदा उनीहरूले धेरै यस्ता गल्ती गर्ने गरेका छन् । यति ठूलो प्लेटफर्मबाट यस्तो गल्ती भइदिँदा यस्ता पुराना गीतहरूको मर्म नयाँ पुस्तासम्म पुऱ्याउन गाह्रो पर्छ । त्यसैले म अधुरोध गर्छु, सकेसम्म यस्ता गल्ती सच्चाइयोस् । Script and Performance: @Suraj Subedi Video editing: @Surakshyan Khanal Proofreading: @Lenin Banjade #subtextwithsuraj #whattowatch #swaminajauchodibidesh #mastermitrasen — TikTok di @subtextwithsuraj