ဆိတ်ဆိတ်နေခြင်း Silence 📌ဆိတ်ဆိတ်နေခြင်းများစွာတို့သည် စကားပြောခြင်းထက် သာပို၍ထိရောက်စူးရှသည်။ စကားရပ်များစွာ တို့သည် မြှားဒဏ်ရာထက်ပင်ပြင်းထန်ပေသည်။ 📌တမန်တော်မြတ်ﷺအမိန့်ရှိခဲ့၏။ အကြင်သူသည် အလ္လာဟ်အရှင်မြတ်နှင့် ကမ္ဘာ့နောက်ဆုံးနေ့(ကိယာမသ်)ကို အီမာန်ရှိလျှင် ကောင်းသော စကားသာပြောပါ သို့မဟုတ် တိတ်တဆိတ်နေပါ။ 📌နှုတ်လျှာကိုအကျိုးပြုရာ၌သာ သုံးအပ်၏။ ဤသို့သုံးနိုင်သည့် သတ္တိမရှိမူ ဆိတ်ဆိတ်နေလိုက်ပါ။ စကားပြောလျှင် အန္တရာယ်များ၏။ (ဟဒီးဆ်) 📌နှုတ်စောင့်စည်းသူသည် ဘေးအန္တရာယ်အပေါင်းမှ လွတ်မြောက်၏။ (မိရ်ှကာသ်) 📌အဗူဇရ်رضي الله عنهသခင်အားတမန်တော်မြတ်ﷺက ရှည်လျားစွာ ဆုံးမစကားမြွက်ကြား ရာတွင် “အသင်သည် ရှည်လျားစွာနှုတ်ဆိတ်နေပါ။ အကြောင်းကား ဤသို့ဖြင့် ရှိုင်သွာန်ကို သေးသိမ်စေမည်။ ဒီးန်ရေးရာကို အထောက် အကူပြုမည်။ (မိရှ်ကာသ်) 📌နှုတ်လျှာကိုအကြောင်းပြု၍ ရှိုင်သွာန်သည် လူသားကို အနိုင် ယူတတ်၏။ နှုတ်ထိန်းထားသူမှာ ယင်း၏တိုက်ခိုက်ခြင်းမှလွတ်မြောက်ပြီး ဒီးန်ရေးရာကိုပံ့ပိုးလိမ့်မည်။ 📌ကျင့်ဆောင်ရာတွင်လွယ်ကူစေပြီး အမလ်ချိန်တွယ်ရာ တွင် အချိန်စီးစေမည့်လုပ်ရပ်ကို မပြရဘူးလားဟု တမန်တော်မြတ် ﷺ ကမေးရာ အဗူဇရ်သခင်က “မုချမိန့်ကြားတော်မူပါ”ဟု လျှောက် ထား၏။ တမန်တော်မြတ် ﷺက “တစ်ချက်မှာ အချိန်ကြာမြင့်စွာ တိတ်ဆိတ်နေခြင်းဖြစ်သည်။နောက်တစ်ချက်မှာ ကောင်းမြတ်သော အခ်လားက်ဖြစ်သည်။ ငါ့အသက်ကိုစိုးပိုင်သော အရှင်မြတ်၏ကစမ်၊ မခ်လူက်(အဖန်ဆင်းခံ)သည် အထက်ပါအမလ်နှစ်ရပ်ထက်ပို၍ အကျိုးပြုသော အခြား အမလ်ကိုမဆောင်ရွက်ပါဟု မိန့်ကြားတော်မူ၏။ (မိရှ်ကာသ်) 📌ပြောသမျှစကားသည် လေထဲမလွင့်သွားပါ။ စောင့်ကြပ်သူ(ဖရစ်ရှ်သဟ်) တစ်ဦးက နှုတ်ကထွက်သမျှစကားတိုင်းကိုထိန်းသိမ်းရန် အသင့်ရှိကြောင်း ကျမ်းမြတ်ကုရ်အာန်တွင်ဖော်ပြထား၏။ 📌စကားတိုင်းကိုစစ်တမ်းထုတ်မည်။ အကျိုးအဆိုးရှိမည်။ သတိဆင်ခြင်၍ လိုအပ်သမျှကိုအနည်းငယ်သာပြောပြီး တိတ်တဆိတ်နေပါ။ ခွင့်ပြုသောစကားသာပြောပါ။ 📌စကား ပြောခြင်း၌ အပြစ်များစွာရှိ၏။ ဆိတ်ဆိတ်နေရာတွင် အပြစ်နည်း၏။ 📌အချို့က အပြောများခြင်းကို ထူးချွန်မှုဟုထင်မှတ်၏။ စင်စစ် တိတ်တဆိတ်နေခြင်းမှာ ပြောင်မြောက်မှုများရှိ၏။ 📌ဗန္ဓဟ်တစ်ဦးသည် လောကီမက်ကင်းပြီး စကားနည်း ခြင်းနိအ်မသ်ကိုပိုင်ဆိုင်ထားသော် ၄င်းထံချဉ်းကပ်ပါလေ။ အကြောင်းကား ၄င်းအပေါ် ဟိက်မသ်များသွန်းလောင်းခြင်းခံရ၏။ ၄င်း၏နှလုံးသား ဝယ် ´ ဟိက်မသ်အမြော်အမြင်များထည့်သွင်းပေးသနားတော်မူ၏။ (မိရှ်ကာသ်) 📌နှုတ်လျှာထိန်းသိမ်းသူ၏ မလျော်ကန်သောအချက် များကို အရှင်မြတ်ကိုယ်တိုင် ထိန်းသိမ်းတော်မူ၏။ ဒေါသကိုချုပ်တီးသူ အပေါ်မှ အဇားဗ်ကို အရှင်မြတ်ကိုယ်တိုင် တားဆီးတော်မူ၏။ အရှင် မြတ်ထံတော်၌ မိမိချွတ်ယွင်းချက် (သောင်ဗဟ်) ကိုတင်ပြသော် အရှင်မြတ်သည် ၄င်း၏ခြွင်းချက်ကို ခွင့်လွှတ်တော်မူမည်။ (မိရှ်ကာသ်) 📌မိမိနှုတ်ကိုမထိန်းသိမ်းသူမှာ ဒီးန်ရေးရာ၌ အမြော်အမြင်မရှိသူ ဖြစ်သည်ဟု ဟစံသခင်တင်ပြ၏။ 📌အသင်သည် စကားအတွက် စာရေးစက္ကူဝယ်ရပါမူ ၄င်း၏ အခကြေးငွေကြောင့် စကားများကိုလျှော့ပစ်ပေမည်။ 📌ရဗီးအ်သခင်သည် နှစ် (၂ဝ) တိုင် လောကီစကားပြောလေ့ မရှိပေ။ တစ်စုံတစ်ရာပြောရန်ရှိ လျှင် ကလောင်ကိုမင်တို့၍ မှတ်လေ့ ရှိ၏။ ညအိပ်ယာမဝင်မီ ဤစကားကို မည်သည့်လိုအပ်ချက်ကြောင့် ပြောခဲ့သနည်း၊ ပြောရာတွင်လည်း လိုအပ်သမျှသာပြောခဲ့သလား၊ လိုအပ်သည်ထက်ပို၍ပြောမိသလားဆိုသည်ကို စမ်းစစ်လေ့ရှိလေသည်။ (အေဟ်ယာအွလ်အိုလူမ်) 📌တမန်တော်မြတ်ﷺမိန့်တော်မူ၏။ အလ္လာဟ်၏ဇိကိရ်မှတစ်ပါး အခြားကို များစွာမပြောလေနှင့်။ ဤသို့စကားများပြောလျှင် စိတ်နှလုံးမာကြောရာအကြောင်းဖြစ်ပေမည်။ အမှန်စင်စစ် စိတ်နှလုံးခက်ထန်သူသာ အရှင်မြတ်နှင့်အဝေးဆုံးဖြစ်ချေမည်။ (သိရ်မိဇီ) ဇိက်ရ်ဖြင့် စိတ်ချမ်းမြေ့၏။ အာခိရသ်တွင် အဆင့်မြင့်မား၏။ ဇိက်ရ်တွင် ဒီးန်၏စကားများလည်းပါဝင်သည်။ စိတ်နှလုံးမာကြောလျှင် ဒီးန်ရေးရာများမှတားဆီးသဖြင့် အရှင်မြတ်နှင့်ဝေးကွာစေ၏။ ဟုကူကွလ္လာကိုလည်း မေ့လျော့စေသကဲ့သို့ မခ်လူးက်များနှင့် ယုယကြင်နာသောဆက်ဆံမှုများမှလည်း ပြတ်တောက် နေ၏။ အားအင်ချည့်နဲ့သူကို မသနားသည့်အပြင် စကားပြောရာတွင် လည်း အမြီးအမောက်မတည့်ပေ။ #silence #islamicreminder #အစ္စလာမ်ဘာသာဝင်တွေကိုသိစေချင်လို့ #ဆိတ်ဆိတ်နေခြင်းသည်ဘေးကင်း၏ #fyp — @lightofdeenmyanmar TikTok