#CID ကအဖြေထုတ်ခဲ့ရတဲ့ ကလေးအသဲတွေ၊ကလီစာတွေစားတဲ့တစ္ဆေ....... ဒီအဖြစ်အပျက်လေးက လွန်ခဲ့တဲ့ ၁… — @lumyanmar

動画のインサイト

@lumyanmarのTikTok動画「#CID ကအဖြေထုတ်ခဲ့ရတဲ့ ကလေးအသဲတွေ၊ကလီစာတွေစားတဲ့တစ္ဆေ....... ဒီအဖြစ်အပျက်လေးက လွန်ခဲ့တဲ့ ၁၀နှစ်လောက်က လူတွေတိုးတိုးတိတ်တိတ်စိတ်၀င်စားခဲ့ရတဲ့ သတင်းလေးပါ။ရန်ကုန်ဆေးရုံကြီးက ဆရာ၀န်တွေ၊ဆေးရုံဝန်ထမ်းတွေကနေတဆင့် ပြန်လည်ထွက်ပေါ်လာခဲ့တာပါ။ဆေးရုံကြီးရင်ခွဲရုံကနေ ဒီဇာတ်လမ်းလေး အစပြုခဲ့ပါတယ်။ တစ်နေ့ရန်ကုန်ဆေးရုံကြီးရင်ခွဲရုံကို ကလေးအလောင်းတစ်လောင်း ရောက်လာပါတယ်။စာသင်နေရင်းရုတ်တရက် သေဆုံးသွားတယ်လို့ဆိုတယ်။ဒါနဲ့မှုခင်းဆရာ၀န်တွေက ကလေးအလောင်းကို ရောဂါရှာဖွေတော့ ကလေးကိုယ်ထဲမှာ အသဲတွေ ကလီစာတွေ မရှိတော့ပါဘူး။သူတို့လည်း အဖြေရှာမရပဲ ဖြစ်နေခဲ့ကြတယ်။နောက်တစ်ပတ်လောက်နေတော့ ကလေးတစ်ယောက်ထပ်သေပြန်တယ်။ဒီလိုပဲ စစ်ဆေးတော့ အသဲတွေ ကလီစာတွေပါမလာဘူး။အဲဒီမှာ CID က၀င်ပါလာရပါတယ်။ဖြစ်နေတာကတစ်နေရာထဲမှာပါ။ကျောက်မြောင်းက ဆရာမတစ်ယောက်ရဲ့အိမ်မှာ ၃တန်းကလေးတွေရဲ့ စာသင်းဝိုင်းတစ်ခုကနေ သေနေတာဖြစ်ပါတယ်။အိမ်က တစ်ထပ်တိုက်လေးပါ။ကလေး ၂ယောက်သေတော့ မိဘတွေလည်း သူတို့ သားသမီးတွေကို အဲဒီဆရာမအိမ်မှာ ကျူရှင်မထားရဲတော့ဘူး။CID ကလည်းဆရာမကိုခေါ်စစ်တာပေါ့။ခက်တာက ဆရာမလည်း ဘာမှမသိဘူးပဲပြောပြီး ငိုယိုပြီး ငြင်းနေပါတယ်။ဒါနဲ့ ရှာဖွေခွင့်ယူပြီး ဆရာမအိမ်ကို တာဝန်ရှိသူတွေက ဝင်ရောက်ရှာဖွေကြတယ်။အခန်းတစ်ခန်းမှာတော့ သွေးစလိုလိုစွန်းနေတာတွေ သွားတွေ့ရပါတယ်။အဲဒါကို နမူနာယူ သေသူကလေးတွေရဲ့ သွေးအမျိုးအစားနဲ့ တိုက်ကြည့်တော့ သွားတူနေတယ်။အဲဒီမှာ အဲဒီမှာနေတဲ့ ဆရာမနဲ့ သူ့အစ်မအပျိုကြီးကို ထိန်းသိမ်းထားပြီး စစ်တော့တာပေါ့။ဆရာမယောက်ျားကတော့ မရှိပါဘူး။သင်္ဘောတက်နေလို့ ပင်လယ်ထဲရောက်နေပါတယ်။ဒါပေမယ့် CID က နည်းပေါင်းစုံနဲ့ ဆရာမညီအစ်မကို စစ်လည်းအဖြေမပေါ်ဘူး ဖြစ်နေတယ်။နောက်တစ်ခုက ကလေးတွေ ခန္ဓာကိုယ်ကို ခွဲစိတ်ထားခြင်းမရှိပါပဲ၊ကိုယ်ထဲက ကလီစာတွေ မရှိတာဆိုတော့ပိုပြီးစဉ်းစားရကြပ်တာပေါ့။ ဒီလိုနဲ့ တစ်နေ့ကြတော့ အခင်းဖြစ်ပွားရာအိမ်ထဲမှာ စောင့်ရတဲ့ ရဲမေ တွေထဲက တစ်ယောက်ဆေးရုံရုတ်တရက်ရောက်သွားတယ်။ရဲမေရဲ့ "အား" ဆိုပြီးအော်သံကြားတာနဲ့ တခြားသူတွေရောက်လာပြီး ဆေးရုံပို့လိုက်ရတာပါပဲ။သူကတော့မသေခဲ့ပါဘူး။ဒါပေမယ့် ခွဲစိတ်ခဲ့ရပြီး သူ့ အတွင်းကလီစာတွေကို ပြန်လည်ကုသပေးခဲ့ရပါတယ်။သူမ စကားပြောနိုင်တော့ သူက အိမ်ထဲမှာ CID ကတာ၀န်ပေးချက်အရ စောင့်ကြည့်နေကြောင်း။အဲဒီအချိန်မှာ ဧည့်ခန်းက ဓာတ်ပုံတစ်ပုံက ဆေးလိပ်မီးခိုးလိုလိုထွက်လာလို့ အနီးကပ်သွားကြည့်ကြောင်း။အဲဒီမှာပဲ ဓာတ်ပုံထဲကိုရောက်သွားသလိုခံစားရပြီး မိန်းမကြီးတစ်ယောက် ထမီရင်လျားနဲ့ သူမရဲ့ ကလီစာတွေကို လက်နဲ့နှိုက်ထုတ်ကြောင်းပြောပါတယ်။CID ကလူကြီးတွေလည်း တော်တော်လေးစဉ်းစားရကြပ်သွားပြီး ရဲမေလေးပြောတဲ့ ဓာတ်ပုံထဲက မိန်းမကို ဘယ်သူလဲဆိုပြီး စုံစမ်းတော့ ဆရာမရဲ့ အမေဖြစ်ကြောင်း။ဆုံးသွားတာ ၂လလောက်ပဲရှိသေးကြောင်း သိလိုက်ရပါတယ်။သေပုံကလည်းမရိုးသားပဲ ဖုတ်၀င်သလိုလိုဖြစ်ပြီး သေခါနီးအသားစိမ်းတွေကို ရေခဲသေတ္တာထဲကနေ ထုတ်ထုတ်စားလို့ ပယောဂ ဆရာတွေတောင် ခေါ်ကုခဲ့ရတယ်လို့စုံစမ်းသိရှိခဲ့ရပါတယ်။ ဒါနဲ့ CID က နာမည်ကြီးရဲအရာရှိနှစ်ဦးကို ညဘက်စောင့်ကြည့်ဖို့ တာ၀န်ပေးလိုက်ပါတယ်။အဲဒီထဲက တစ်ယောက်က အရင်ကလည်း အတွေ့အကြုံရှိဖူးတော့ သိမ်၀င်သပိတ်ကွဲတွေကို အိတ်ထဲထည့်ပြီး ယူဆာင်လာပါတယ်။ညလည်းရောက်ရော သူက မသိမသာအိမ်နောက်ဖေးသွားသလိုနဲ့ သူ့သူငယ်ချင်းကို ထားခဲ့ပြီး စောင့်ကြည့်နေပါတယ်။အဲဒီအချိန်မှာပဲ ဓာတ်ပုံထဲကနေ အခိုးအငွေ့တွေထွက်လာပါတယ်။သူလည်း အချိန်ဆွဲလိုမရမှန်းသိတာနဲ့ သိမ်၀င်သပိတ်ကွဲတွေနဲ့ ဓာတ်ပုံကိုပစ်ပေါက်တာ မိန်းမတစ်ယောက်ရဲ့ အော်သံကြီး စူးစူးဝါးဝါးထွက်ပေါ်လာလို့ တစ်လမ်းလုံးနိုးသွားပါတယ်။လမ်းလူကြီးတွေလည်း ရောက်လာလို့ သူတို့လည်း CID က ဖြစ်ကြောင်းရှင်းပြပြီး ဓာတ်ပုံကိုယူကာ CID ရုံးကိုပြန်ခဲ့ကြပါတယ်။မနက်ရောက်တော့ ဆရာမညီအစ်မကိုလည်း အိမ်မှာ ကုသိုလ်ကောင်းမှုလုပ် အမျှဝေဖို့ပြောပြီး ပြန်လွှတ်လိုက်ပါတယ်။ဆရာမညီအစ်မလည်း မနေရဲတော့ပဲ တခြားမှာပြောင်းနေကြပါတယ်။ဆရာမရဲ့အစ်မကတော့ နောက်ပိုင်းစစ်ကိုင်းချောင်မှာ သီလရှင် အပြီး၀တ်သွားပါတယ်။ဆရာမကတော့ သူ့ယောကျ်ားပြန်လာတော့ အဲဒီအိမ်ကိုရောင်းပြီး ပြောင်းသွားပါတယ်။အခုတော့ အဲဒီတစ်ထပ်တိုက် နေရာမှာ ကန်ထရိုက်တိုက်ဖြစ်နေပါပြီ။အဲဒီပဟေဠိတွေနဲ့ဓာတ်ပုံကတော့အခု CID ရုံးမှာပဲရှိနေဦးမည်ထင်ပါကြောင်း... (ဒီဇာတ်လမ်းကိုပဲ ဝတ္ထုတိုပုံစံလေး ရေးထားတာကို Page အချို့မှာ ဖော်ပြပေးခဲ့ဖူးပါတယ်။ Myanmar Theory ကလည်း အသံထွက် Audio ပြန်လုပ်ထားသေးတယ်။ ဂမ္ဘီရလောကမဂ္ဂဇင်းမှာလည်း ပါခဲ့ဖူးတယ်။ ကျွန်​တော်နဲ့ နှစ်ပေါင်းများစွာ သိလာတဲ့သူတွေဆိုရင် ဖတ်ဖူးပြီးသားဖြစ်မှာပါ။ ဖြစ်ရပ်မှန်ကို အခြေခံထားပါသည်) #ဖုတ်တ​စ္ဆေ#လူမြန်မာ #fyp」は、このインデックスが取得した公開指標で76,628回再生、3,148いいね、42コメント、1,437シェアとなっています。 エンゲージメント率は6.04%です（再生数に対する、いいね・コメント・シェアの割合）。 投稿されたのは4 か月前で、再生時間は0 秒です。 622回保存されています。

よくある質問

このTikTok動画の再生数は？

ここにインデックスされた取得データでは、76,628回再生、3,148いいね、42コメントです。

このTikTok動画を投稿したのは誰ですか？

@lumyanmarが投稿しました。投稿者へのリンクはこのページにあります。

このTikTok動画のエンゲージメント率は？

取得した指標全体で、エンゲージメント率は6.04%です（いいね＋コメント＋シェアを再生数で割った値）。

このTikTok動画はいつ投稿されましたか？

2026-07-25（4 か月前）に投稿されました。

この動画ではどんなハッシュタグが使われていますか？

取得データには3件のハッシュタグがあり、#fypから始まります。