🐘 වනජීවී නිලධාරීන්ට පහසුකම් නැතිව අලි ජීවිත රැකගන්නේ කොහොමද? ගම්වාසීන් ඉදිරිපත් කරන ප්‍රධාන ගැටලුවක් වන්නේ වනජීවී සංරක්ෂණ දෙපාර්තමේන්තුවට අවශ්‍ය ප්‍රතිපාදන, වාහන සහ ගමන් පහසුකම් ප්‍රමාණවත් නොවීමයි. වාහනවලට අලි ප්‍රහාර එල්ල වී හානි සිදුව තිබෙනවා. වින්ඩ්ස්ක්‍රීන් කැඩී ගිය වාහනවලින් රාත්‍රියේ හදිසි රාජකාරිවලට යෑම පවා අසීරු වන අවස්ථා තිබෙනවා නම්, වනජීවී නිලධාරීන්ගෙන් කාර්යක්ෂම සේවයක් අපේක්ෂා කරන්නේ කෙසේද? මගේ ගරු ජනාධිපතිතුමාගෙන් කරන ඉල්ලීම මෙයයි. වනජීවී සංරක්ෂණ දෙපාර්තමේන්තුවේ සැබෑ අවශ්‍යතා කඩිනමින් සොයා බලා, අවශ්‍ය ප්‍රතිපාදන, සුදුසු වාහන, අලුත්වැඩියා පහසුකම් සහ හදිසි ප්‍රතිචාර සඳහා අවශ්‍ය සම්පත් වහාම ලබාදීමට පියවර ගන්න. වනජීවී නිලධාරීන් ශක්තිමත් කිරීම යනු වන අලි ඇතුළු වනසතුන්ගේ ජීවිත ආරක්ෂා කිරීමත්, ගම්වාසීන්ගේ ජීවිත හා දේපළ සුරැකීමත් වෙනුවෙන් කරන ආයෝජනයකි. සම්පත් නැතිව වගකීම් පමණක් පැවරීමෙන් ප්‍රශ්න විසඳෙන්නේ නැහැ. අවශ්‍ය පහසුකම් ලබාදී, වගකීමෙන් යුතුව සේවය කිරීමට නිලධාරීන්ට අවස්ථාව සලසා දෙන්න. 🐘 සතුන්ගේ ජීවිතත් රැකෙන්න ඕනෑ. මිනිසුන්ගේ ජීවිතත් රැකෙන්න ඕනෑ. #වනජීවීසංරක්ෂණය #අලිමිනිස්ගැටුම #වනජීවීනිලධාරීන් #වනසත්වආරක්ෂාව #ජනාධිපතිතුමාටඉල්ලීමක් @Anura Kumara Dissanayake — TikTok di @vishwabuddhamuni