बाबा, एक हप्ता हुन लाग्यो हजुरलाई आईसीयू बाहिर बसेर कुरेको। अब धेरै ढिला नगर्नु है बाबा, अनि बाबा, हजुरको पीडा सहन नसकेर हजुरकी प्यारी बुढी र हाम्री आमा पनि आज यही ग्रान्डी अस्पतालमा उपचार गराइरहनुभएको छ। हजुरको जस्तै समस्या आमाको एमआरआई रिपोर्टमा पनि देखिँदा हाम्रो मुटु कति टुक्रिएको छ, त्यो हामीलाई मात्रै थाहा छ। यो कस्तो संयोग हो बाबा, दुःख पनि दुवैलाई एकैसाथ आइपर्नुपर्ने! अर्काको दुःखमा साथ दिँदै हिँड्ने म आज आफ्नै बाबाको लागि यस्तो कठिन समयसँग लडिरहेको छु। तर यही बेला हामीलाई होच्याउने, सराप्ने र मानसिक यातना दिनेहरू पनि हुँदा रहेछन् बाबा। म भित्रभित्रै गलिसकेँ, थाकिसकेँ। तर हजुरको आशा मर्न दिएको छैन। बाबा, हजुर भित्र जीवनसँग लडिरहनुभएको छ, हामी बाहिर हजुरको लागि अनेकौँ लडाइँ लडिरहेका छौँ। बाहिरका सबै कुरा हामी सम्हाल्छौँ, हजुर बस भित्र हिम्मत नहार्नुहोस् है। बाबा, मलाई अरू केही चाहिँदैन, हजुर मात्रै चाहिन्छ। हजुरको हात समातेर फेरि घर फर्किनु छ। आमाको अनुहारमा फेरि खुसी देख्नु छ, तीन भाइ मिलेर हजुरसँग हाँस्नु छ, नातिलाई हजुरको काखमा खेलाउनु छ। बाहिरका सबै हिसाबकिताब समयले गर्नेछ। अहिले हजुरले आफूलाई सम्हाल्नुहोस् 🙏🏾 @Laxmi Thapa @Andrews Gorkhe Thapa @Alan Thapa @Aron_thapa_magar @DeviGthapamgr — TikTok di @donathemanunsold