😭💔🥀 यो वर्षको दशैँ हाम्रो परिवारका लागि दशैँ नभई दशा बनेर आयो, मेरी प्यारी फुपू। 😭🙏 अरूका घरमा दशैँको खुसी छ, निधारमा रातो टीका छ, शिरमा पहेँलो जमरा छ, तर हाम्रो परिवारमा आज न निधारमा टीका छ, न शिरमा जमरा। कति खुसीले राखेको जमरा पनि आज दुःखी मनले फाल्नुपर्‍यो। जुन घरमा दशैँ आउँदा खुसी छाउँथ्यो, आज त्यही घरमा आँसु र पीडा छाएको छ। 💔😭 फुपू, तपाईं हामीलाई छोडेर जानुभयो, तर तपाईंका सम्झनाहरूले हामीलाई हरेक पल सताइरहनेछन्। यो दशैँमा तपाईंको हातबाट टीका लगाउने रहर अधुरै रह्यो। तपाईंको माया, तपाईंको बोली र तपाईंको साथ अब केवल सम्झनामा सीमित भयो। तपाईंबिनाको यो दशैँ कसरी मनाउनु? मनले मान्नै सकिरहेको छैन कि तपाईं अब हामीमाझ हुनुहुन्न। 😭🥀 आज हाम्रो परिवारका सबैका निधार खाली छन्। मनमा पीडा छ, आँखामा आँसु छन्, अनि हृदयमा तपाईंको सम्झना मात्रै छ। अरूले खुसीसाथ दशैँ मनाइरहँदा हाम्रो मन भने तपाईंलाई सम्झेर रोइरहेको छ। यो वर्षको दशैँले हामीलाई कहिल्यै नबिर्सिने चोट दिएर गयो। मेरी प्यारी फुपू, जहाँ हुनुहुन्छ, शान्तिसँग बस्नुहोस्। 🙏😭 स्वर्गमा तपाईंको बास होस्। तपाईंले छोडेर जानुभएको यो पीडा सहने शक्ति भगवानले हाम्रो परिवारलाई दिऊन्। तपाईं हाम्रो आँखाअगाडि हुनुहुन्न, तर हाम्रो मनमा सधैँ जीवित रहनुहुनेछ। तपाईंलाई जति सम्झिए पनि मन भरिँदैन, जति रोए पनि आँसु सकिँदैन। हार्दिक श्रद्धाञ्जली, मेरी प्यारी फुपू। भावपूर्ण श्रद्धाञ्जली। 🕊️🙏💐 तपाईंको आत्माले चिरशान्ति पाओस्। 😭💔@Sudeep Xettri  — @salyani057 TikTok