ဝေရာစန ကျောက်စိမ်းစေတီတော်မှာ ဆီမီး ၉,၀၀၀ ထွန်းညှိပူဇော်မည်၊ ပဋ္ဌာန်းပြိုင်ပွဲ ပထမဆု ကျပ် ၃၅ သိန်း ချီးမြှင့်မည် မန္တလေးမြို့၊ အမရပူရမြို့နယ်၊ ဆင်ရွာမြင်းမှူးရှိ ဝေရာစန ကျောက်စိမ်းစေတီတော်မြတ်ကြီးမှာ သီတင်းကျွတ်လပြည့်နေ့တွင် ဆီမီးကိုးထောင် ထွန်းညှိပူဇော်ခြင်းနှင့် မဟာပဋ္ဌာန်း အာဂုံဆောင် ရွတ်ဖတ်ပြိုင်ပွဲကို ကျင်းပသွားမည်ဖြစ်ကြောင်း သိရပါတယ်။ အဆိုပါအစီအစဉ်မှာ ၇၆ ကြိမ်မြောက် ၂၄ ပစ္စည်းပဋ္ဌာန်း ရွတ်ဖတ်ပူဇော်ခြင်းနဲ့ အဋ္ဌမအကြိမ်မြောက် အာဂုံဆောင် ရွတ်ဖတ်ပြိုင်ပွဲတို့ ပါဝင်မှာဖြစ်ပြီး ပြိုင်ပွဲဝင်တွေရဲ့ ရွတ်ဖတ်မှုတွေကို ဆရာတော်ကြီးတွေက အကဲဖြတ်ရွေးချယ်ပေးသွားမှာ ဖြစ်ပါတယ်။ ပြိုင်ပွဲမှာ ပထမဆု ကျပ် ၃၅ သိန်း၊ ဒုတိယဆု ကျပ် ၂၅ သိန်း၊ တတိယဆု ကျပ် ၁၅ သိန်းနဲ့ စတုတ္ထဆု ကျပ် ၁၀ သိန်းအပြင် နှစ်သိမ့်ဆု ၂၀ ဆုကို တစ်ဆုလျှင် ကျပ် ၂ သိန်းစီ ချီးမြှင့်သွားမှာဖြစ်ကြောင်း ဘုရားဂေါပကအဖွဲ့မှ တာဝန်ရှိသူ ဦးစိုးနိုင်ထံမှ သိရပါတယ်။ #မန္တလေး #သီတင်းကျွတ် #ဝေရာစနကျောက်စိမ်းစေတီတော် #ပဋ္ဌာန်းပြိုင်ပွဲ #MandalayView — @mandalayview TikTok