မြန်မာနိုင်ငံတော် သမ္မတ ဦးမင်းအောင်လှိုင်အား မလေးရှား ဂုဏ်ပြုတပ်ဖွဲ့မှအလေးပြုကာ ကော်ဇောနီဖြင့် ဂုဏ်ပြုကြိုဆို မလေးရှားဝန်ကြီးချုပ် ဒါတို ဆရီ အန်ဝါ ဘင် အီဘရာဟင်၏ ဖိတ်ကြားချက်အရ မလေးရှားနိုင်ငံသို့ တရားဝင်ခရီးစဉ်အဖြစ် မြန်မာနိုင်ငံတော်သမ္မတ ဦးမင်းအောင်လှိုင် ဦးဆောင်သော မြန်မာအဆင့်မြင့်ကိုယ်စားလှယ်အဖွဲ့သည် ယနေ့ အောက်တိုဘာ ၇ ရက် ဒေသစံတော်ချိန် မွန်းတည့် ၁၂ နာရီ ၅၀ မိနစ်ခန့်တွင် ကွာလာလမ်ပူအပြည်ပြည်ဆိုင်ရာလေဆိပ်သို့ ရောက်ရှိခဲ့သည်။ နိုင်ငံတော်သမ္မတနှင့် ကိုယ်စားလှယ်အဖွဲ့အား မလေးရှားနိုင်ငံ ရင်းနှီးမြှုပ်နှံမှု၊ ကုန်သွယ်ရေးနှင့် စက်မှုဝန်ကြီး မစ္စတာ ဒါတွတ်ဆရီ ဂျိုဟာရီ အဗ္ဗဒူလ် ဂါနီ ဦးဆောင်သည့် မလေးရှားအစိုးရအဖွဲ့မှ တာဝန်ရှိသူများ၊ မလေးရှားနိုင်ငံဆိုင်ရာ မြန်မာသံအမတ်ကြီး ဦးအောင်ကျော်မိုးနှင့် ဇနီး၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ် ညီညီဦးနှင့် တာဝန်ရှိသူများက လေဆိပ်၌ လှိုက်လှဲနွေးထွေးစွာ ကြိုဆိုခဲ့ကြသည်။ ကြိုဆိုစဉ် မလေးရှားနိုင်ငံ ဂုဏ်ပြုတပ်ဖွဲ့က ကော်ဇောနီ၏ တစ်ဖက်တစ်ချက်စီ၌ နေရာယူအလေးပြုကာ နိုင်ငံတော်သမ္မတ ဦးမင်းအောင်လှိုင်အား ခရီးဦးဂုဏ်ပြုကြိုဆိုခဲ့သည်။ #popularmyanmar #popularnews #news — @popularnewsjournal TikTok