ရဲတပ်ဖွဲ့နေ့မှာမော်လမြိုင်မြို့မရဲစခန်းအနီးကရတနာမွန်ဆေးရုံကဆိုင်ကယ်အခိုးခံရ အောက်တိုဘာ ၊ ၂ ရက် The Justice Wave မွန်ပြည်နယ်၊မော်လမြိုင်မြို့မှာ၆၂ နှစ် မြောက် မြန်မာနိုင်ငံရဲတပ်ဖွဲ့နေ့ ပြုလုပ်နေချိန်မနက်ပိုင်း ၁၀ နာရီလောက်မှာပဲ ရတနာမွန် ဆေးရုံရှေ့မှာရပ်ထားတဲ့ ဆေးရုံဝန်ထမ်းတဦးရဲ့ ဆိုင်ကယ်တစီးခိုးယူခံခဲ့ရတယ်လို့သိရပါတယ်။ မနေ့က အောက်တိုဘာ လ ၁ ရက်နေ့မှာလည်း ရတနာမွန် ဆေးရုံရှေ့မှာရပ်ထားတဲ့ ဆေးရုံဝန်ထမ်းတဦးရဲ့ ဆိုင်ကယ်တစီးခိုးယူခံခဲ့ရတာပါ။ "မော်လမြိုင်မှာသံလွင်စျေး၊မောင်ငံစျေး၊ခိုးခံထိတဲ့ဆိုင်ကယ်တွေဘယ်တော့မှမမိဘူး၊တခါအခိုးခံရတာသွားတိုင်တော့ပဲခူးနဲ့ဝေါဖက်ကသူတွေလာခိုးတာလိုက်သွားပါလို့ပြောလိုက်တယ်သူတို့ဘာမှမလုပ်ပေးဘူး၊ဆိုင်ကယ်လဲဆုံးတာပဲ၊မြို့နယ်မှူးဆိုတဲ့သူက ပြည်သူတွေ စီးနေတာတွေပဲ စွတ်ဖမ်းနေတာဆုတောင်ရလိုက်သေးတယ်"လို့ ဒေသခံတဦးကပြောပါတယ်။ ရတနာမွန်ဆေါ်ရုံဟာ မော်လမြိုင်မြို့မရဲစခန်းနဲ့ လမ်းလျှောက်ရင်ငါးမိနစ်လောက်သာကွာတဲ့မော်လမြိုင်မြို့အောက်လမ်းမကြီးမှာရှိပြီး ရဲစခန်းကတော့ကမ်းနားလမ်းမှာရှိနေတာပါ။ လက်ရှိမော်လမြိုင်မြို့နယ်ရဲတပ်ဖွဲ့မှူးမှာ ရဲမှူး အောင်မြင့်ဌေးဖြစ်ပြီး အာဏာသိမ်းစစ်တပ်ရဲ့ မွန်ပြည်နယ်အတွင်းလိုင်စင်မဲ့ယာဉ်ပပျောက်ရေးစီမံချက်အတွင်း လိုင်စဉ်မဲ့ယာဉ်တွေကိုအဓိကထား ဖမ်းဆီးခဲ့ရာမှာအများအပြားဖမ်းဆီးခဲ့လို့ ပထမဆုရရှိထားတယ်လို့လဲသိရပါတယ်။ မော်လမြိုင်မြို့နယ်မှာ အခုနှစ် ဩဂုတ်လနဲ့ ဇူလိုင်လတွေမှာ ဆိုင်ကယ်လု ပြီး ပစ္စည်းယူသတ်ဖြတ်မှုတွေဖြစ်ပွားခဲ့သလို အခုချိန်အထိပြည်သူတွေရဲ့ ဆိုင်ကယ်တွေနေ့စဉ်နဲ့အမျှ အခိုးယူခံနေရတယ်လို့ဒေသခံတွေရဲ့ပြောဆိုချက်တွေအရသိရပါတယ်။ #thejusticewave #မော်လမြိုင် #ရဲ #ဆိုင်ကယ်ပျောက် — @the.justice.wave TikTok