အင်းစိန်ဗဟိုအကျဉ်းထောင်အတွင်း အထည်ချုပ်လုပ်ငန်းဖွင့်ပြီးအကျဉ်းသားတွေကိုထောင်အာဏာပိုင်တွေနဲ့တရုတ်လူမျိုးအချို့ပူးပေါင်းပြီးအဓမ္မရိုက်နှက်ခိုင်းစေနေ အောက်တိုဘာ ၊ ၁ ရက် The Justice Wave အင်းစိန်ဗဟိုအကျဉ်းထောင်အတွင်းအလုပ်ဘုတ်ဌာန မှာ အထည်ချုပ်လုပ်ငန်းဖွင့်ပြီးအကျဉ်းသားတွေကိုထောင်အာဏာပိုင်တွေနဲ့တရုတ်လူမျိုးအချို့ပူးပေါင်းပြီးအဓမ္မရိုက်နှက်ခိုင်းစေနေတယ်လို့သိရပါတယ်။ ဒီကိစ္စနဲ့ပါတ်သတ်ပြီး မြန်မာနိုင်ငံစက်မှုလက်မှုနဲ့ ဝန်ဆောင်မှုလုပ်ငန်းပေါင်းစုံအလုပ်သမားသမဂ္ဂများအဖွဲ့ချုပ် (MICS-TUsF) က ပြီးခဲ့တဲ့ စက်တင်ဘာလ (၃၀) ရက်နေ့မှာပဲ အင်းစိန်ဗဟိုအကျဉ်းထောင်အတွင်း အကျဉ်းသားများအပေါ် ပုံသဏ္ဌာန်မျိုးစုံနဲ့ အခမဲ့ခိုင်းစေနေမှုတွေ ရိုက်နှက်နှိပ်စက်မှုတွေနဲ့ ပတ်သက်ပြီး ပြင်းထန်စွာ ကန့်ကွက်ရှုတ်ချကြောင်းကြေငြာချက်တစောင်ထုတ်ပြန်ထားပါတယ်။ ဒါ့အပြင် အဲ့ဒီ့အထည်ချုပ်လုပ်ငန်းတွေကိုထောင်အာဏာပိုင်တွေနဲ့အတူတရုတ်လူမျိုးအချို့ကကြီးကြပ်နေပြီး အထည်အော်ဒါ အထည်အရေအတွက် ပြည့်အောင်မချုပ်နိုင်တဲ့ အကျဉ်းသားတွေကို ဆွဲထိုးတာ ရိုက်နှက်တာ အနားယူချိန်မပေးတာနဲ့ နေ့လယ်စာ မကျွေးတာတွေပြုလုပ်နေတဲ့အပြင်အဆောင်ကိုပြန်ရောက်ပါကလဲ အခန်းလူကြီးတွေနဲ့ စည်းကမ်းထိန်းတွေက သီးသန့်ဒဏ်ပေးတဲ့အနေနဲ့ ပုံစံထိုင်ခိုင်းတာ ထပ်ဆင့်ရိုက်နှက်တာတွေကို ပြုလုပ်လျက်ရှိတယ်လို့ဆိုပါတယ်။ ဒီအခြေအနေတွေနဲ့ပါတ်သတ်ပြီး မြန်မာနိုင်ငံစက်မှုလက်မှုနဲ့ ဝန်ဆောင်မှုလုပ်ငန်းပေါင်းစုံအလုပ်သမားသမဂ္ဂများအဖွဲ့ချုပ် (MICS-TUsF) မှ အထွေထွေအတွင်းရေးမှူးချုပ်ကို သက်နှင်းအောင်ကို The Justice Wave သတင်းဌာနကဆက်သွယ်မေးမြန်းထားပါတယ်။ #thwjusticewave #အင်တာဗျူး #MICS #အင်းစိန်အကျဉ်းထောင် #အထည်ချုပ်ရုံ — @the.justice.wave TikTok