قصتي مع القرآن الكريم.. بدأت من يوم 12/3/2024 🤍📖 في اليوم ده، أخدت قرار بيني وبين نفسي، وعاهدت ربنا سبحانه وتعالى إني أبدأ أعمل محتوى على تيك توك لنشر القرآن الكريم، مش عشان شهرة، ولا عشان فلوس، لكن لوجه الله تعالى. كان كل اللي بتمناه إن الفيديوهات اللي أنشرها تكون سبب في إن حد يسمع آية من القرآن، أو يتأثر بيها، أو يرجع لربنا بسببها، ويكون ليا وله نصيب من الأجر بإذن الله. ومن يومها بدأت رحلتي، وأنا عارف إن الطريق مش سهل، وإن ممكن أتعب وأستمر من غير ما أشوف أي مقابل مادي. وفعلًا، لحد النهارده، مش بيجيلي أي دخل من تيك توك، لكن رغم كده، لسه مكمل، ولسه عندي نية إني أستمر، وهفضل أحاول على قد ما أقدر. لأن حلمي مش مجرد مشاهدات أو متابعين، حلمي إن المحتوى ده يفضل سبب في الخير، وإن لما ييجي يوم وأموت، يفضل فيه أثر طيب ليا، ويكون القرآن اللي نشرته سببًا في نفع الناس، وربنا يتقبله مني. وعشان كده، بطلب منكم طلب من القلب ❤️ تابعوني وشاركوني نشر القرآن الكريم، مش عشان خاطري أنا، لكن عشان نكون مع بعض سبب في نشر كلام ربنا، ونرجو الأجر والثواب منه سبحانه وتعالى. يمكن فيديو تشاركوه يوصل لحد محتاج يسمع آية تغيّر حياته، وإحنا ما نعرفش مين الشخص ده ولا قد إيه ممكن يكون الفيديو سبب في خير ليه. لسه مكمل، وهفضل مكمل بإذن الله.. حتى لو مفيش مقابل مادي، يكفيني إني أسعى لوجه الله، وأسأل ربنا الإخلاص والقبول. اللهم اجعل القرآن العظيم شفيعًا لنا، واجعل ما نقدمه خالصًا لوجهك الكريم، وارزقنا الإخلاص في القول والعمل. 🤲🏻 @﮼محمد | 𝐌𝐔𝐇𝐀𝐌𝐌𝐀𝐃 — @quran.mohamed76 TikTok