हिजोको नेपथ्य कन्सर्टसँग जोडिएको एक बहिनीले सार्वजनिक गरेको भिडियो र उहाँको भनाइले उठाएको यौन दुर्व्यवहार/हेरासमेन्टको विषयलाई मजाक वा “भीडमा यस्तै हुन्छ” भनेर सामान्यीकरण नगरौँ। भीडमा सामान्य रूपमा ठोक्किनु र कसैको इच्छाविपरीत नियतपूर्वक शरीरमा हात लगाउनु एउटै कुरा होइन। यदि भिडियो र पीडितको भनाइअनुसार घटना भएको हो भने, त्यो गम्भीर विषय हो। रक्सी खाएको, भीड भएको वा कन्सर्टको माहोल भएको कुनै पनि कुरा यस्तो व्यवहारको बहाना बन्न सक्दैन। अब चाहिने कुरा थप कन्ट्रोभर्सी होइन, तथ्य पत्ता लगाउने काम हो। आयोजकले सम्बन्धित बहिनीसँग सम्पर्क गरेर उहाँले बताएको स्थान र समय पहिचान गरी उपलब्ध CCTV तथा अन्य भिडियो फुटेज हेर्न सहयोग गर्नुपर्छ। सम्भावित व्यक्तिहरू पहिचान भएमा प्रमाणका आधारमा सम्बन्धित निकायमार्फत कानुनी प्रक्रिया अगाडि बढाउनुपर्छ। गलत भएको हो भने दोषीलाई कानुनी प्रक्रियाबाट न्यायको दायरामा ल्याउनु नै समाधान हो। पीडितले न्याय पाउनुपर्छ, तर प्रमाणबिना कसैलाई दोषी घोषणा गरेर अर्को अन्याय पनि नगरौँ। कन्सर्टलाई विवादको विषय बनाउनेभन्दा, भएको भनिएको घटनाको सत्यतथ्य छानबिन गरेर पीडितलाई न्याय दिलाउनेतर्फ सबैको ध्यान जाओस्। #realbharathkhatri #nepathya #nepathayconcert #korea #nepaliinkorea — @realbharathkhatri TikTok