ဆိုင်ကယ်ကယ်ရီဆွဲရန် ထွက်လာစဉ် အဓမ္မဖမ်းဆီးခံရပြီး ကျောက်ဖြူရှေ့တန်းပို့ခံရဟု အလင်းဝင်လာသည့် စစ်မှုထမ်းတပ်သား ထွက်ဆို ဧရာဝတီတိုင်းမ် အောက်တိုဘာ ၂၀ ရက် မန္တလေးတိုင်း၊ ပြည်ကြီးတံခွန်မြို့နယ်တွင် ဆိုင်ကယ်ကယ်ရီဆွဲ၍ အသက်မွေးဝမ်းကျောင်းပြုနေသူ ကိုအောင်ကျော်နိုင်သည် မေလအတွင်း ‌ရွေးတုအစိုးရတပ်၏ မတရားဖမ်းဆီး ခေါ်ဆောင်ခြင်းခံခဲ့ရပြီး အမှတ် (၈) တပ်မတော်လေ့ကျင့်ရေးကျောင်း၌ စစ်မှုထမ်းရန် အတင်းအကျပ် ခိုင်းစေခံခဲ့ရကြောင်း သိရသည်။ သင်တန်းကာလအတွင်း စစ်မှုမထမ်းလိုသဖြင့် ထွက်ပြေးရန် ကြိုးပမ်းခဲ့သော်လည်း ပြန်လည်ဖမ်းဆီးခံရကာ ခြေကျင်းခတ်၊ ဒေါက်ထည့်၍ အပြင်းအထန် ရိုက်နှက်နှိပ်စက်ခံခဲ့ရပြီးနောက် ရခိုင်ပြည်၊ ကျောက်ဖြူမြို့နယ် စနဲတောင်ကုန်း ရှေ့တန်းစခန်းသို့ အတင်းအကျပ် ပို့ဆောင်ခံခဲ့ရခြင်းဖြစ်သည်။ ရှေ့တန်းတွင် မတရားခိုင်းစေခံရမှု၊ ငတ်မွတ်ခေါင်းပါးမှုနှင့် ညှင်းပန်းနှိပ်စက်မှုများကို ဆက်လက်ကြုံတွေ့ခဲ့ရသဖြင့် အခွင့်အရေးရသည်နှင့် သူငယ်ချင်းတစ်ဦးနှင့်အတူ သေနတ်ဘေးမှ လွတ်အောင် ထွက်ပြေးကာ အာရက္ခတပ်တော် (AA) ထံသို့ ဘက်ပြောင်း အလင်းဝင်ရောက်ခဲ့သည်။ လက်ရှိတွင် အာရက္ခတပ်တော် (AA) ဘက်က ၎င်းတို့အား နှိပ်စက်ကွပ်မျက်ခြင်းမပြုဘဲ ကောင်းမွန်စွာ စောင့်ရှောက်ပေးထားပြီး လွတ်လပ်စွာ နေထိုင်ခွင့်၊ စားသောက်ရေးနှင့် ကျန်းမာရေးစောင့်ရှောက်မှုများ ပံ့ပိုးပေးထားကြောင်း ဘက်ပြောင်းအလင်းဝင်လာသူ တပ်သား အောင်ကျော်နိုင်က ထွက်ဆိုထားသည်။ #ပြည်သူ့စစ် #အဓမ္မ #ဖမ်းဆီး #creatorsearchinsights #seebreakingnewsforyourself — TikTok di @ayeyarwaddytimes_1