လူတွေ လက်ထပ်ကြတယ်ဆိုတာ ပျော်ရွှင်ဖို့အတွက်ပါ။လက်မထပ်ဘဲ နေကြတာလည်း ပျော်ရွှင်ဖို့အတွက်ပါပဲ။နောက်ပြီး ကွာရှင်းကြပြန်တာလည်း ပျော်ရွှင်ဖို့အတွက်ပါပဲ။ "သူရော ကိုယ်ရော လွတ်မြောက်ပါစေ" ဆိုတဲ့ စိတ်နဲ့ပေါ့။ ကားမောင်းနေတဲ့သူက လမ်းဘေးမှာ လျှောက်နေတဲ့သူကို "လမ်းကို သေချာ မလျှောက်ဘူး" ဆိုပြီး အပြစ်ပြောတတ်ကြသလို၊ လမ်းလျှောက်နေတဲ့သူကလည်း ကားမောင်းနေတဲ့သူကို အပြစ်တင်တတ်ကြပြန်ပါတယ်။ ပစ္စည်းတစ်ခုခု ဝယ်ပြီးတဲ့အခါ "ဆိုင်ရှင်က ငါ့ဆီက အမြတ် အများကြီး စားလိုက်တာပဲ" လို့ တွေးမိပေမဲ့၊ ကိုယ်တိုင် ဆိုင်ရှင် ဖြစ်လာတဲ့အခါကျမှ ဝယ်သူတွေနဲ့ ဆက်ဆံရတာ ဘယ်လောက် ခက်ခဲကြောင်း သိလာတယ်။ သမီးရှင်ဆီ တင်တောင်းငွေ နည်းနည်းသာ ပေးရင် နည်းလိုက်ဆိုပြီး မိမိသားအတွက် မိန်းမတောင်းတဲ့အခါကျ သမီးရှင်တွေတောင်းတဲ့ တင်တောင်းငွေ များလိုက်တာ ဖြစ်သွားပြန်ရော။ လူအမျိုးမျိုး စိတ်အထွေထွေမို့ လောကကြီးကို ကြည့်တဲ့အမြင်တွေ မတူကြဘူး။ပြီးရင် လူတွေရဲ့စိတ်တွေက ကိုယ့်အလှည့်ကျမှ ကိုယ်ချင်းစာတတ်တာ များတယ်။လူတွေရဲ့စိတ်ထဲ မင်းကို ဘယ်လိုသတ်မှတ်တယ်ဆိုတာကို လိုအပ်တာထက် ပို မသိချင်ပါနဲ့။ မင်း ဘယ်လောက်ပဲ ကောင်းအောင် လုပ်ပါစေ နောက်ကွယ်မှာ မင်းကို မကောင်းပြောတဲ့လူရှိတယ်။လူတွေရဲ့အမြင်ကို လိုက်ပြီး ခံစားနေရင် တစ်သက်လုံးတောင် ခံစားလို့ ပြီးမှာ မဟုတ်ဘူး။ဒါကြောင့် ကိုယ့်ဘဝနဲ့ကိုယ်ပဲ အကောင်းဆုံး ရှင်သန်ပါ။လူတိုင်း မင်းကို သဘောမကျနိုင်ဘူး။ကိုယ့်ရွေးချယ်မှုနဲ့ ကိုယ်ပါပဲ။crd နူးနူးအောင် 📝 — TikTok di @juenge59