လေယာဉ်ပေါ်ကမြင်ရသည့် ကွာလာလမ်ပူ မလေးရှားနိုင်ငံ ကွာလာလမ်ပူ လေဆိပ်အဆောက်အအုံ အမိုးများတွင် တပ်ဆင်ထားသည့် ဆိုလာပြားများအားမလေးရှားနိုင်ငံ၏ အစိမ်းရောင် လေဆိပ်စီမံကိန်း၏ အစိတ်အပိုင်းတစ်ခု အဖြစ်မြင်ရသည်။ မလေးရှားနိုင်ငံသည် ကွာလာလမ်ပူ အပြည်ပြည်ဆိုင်ရာလေဆိပ် (KLIA) အပါအဝင် အဓိကလေဆိပ်များတွင် ပြန်လည်ပြည့်ဖြိုးမြဲစွမ်းအင် (Renewable Energy) ကို အသုံးပြု၍ လျှပ်စစ်ဓာတ်အား သုံးစွဲမှုကို လျှော့ချရန် ဆောင်ရွက်လျက်ရှိပါသည်။ရန်ကုန်လေဆိပ်တွငိလည်း အမိုးများတွင် ဆိုလာပြားများတပ်ဆင်ကာ လျှပ်စစ် ရယူမှုပြုလုပ်ထားသည်။ ထို့ပြင် မလေးရှားသည် Large Scale Solar (LSS) စီမံကိန်းများစွာကို စိုက်ပျိုးရေးမြေများနှင့် ရေပြင်ပေါ်တွင်ပါ တိုးချဲ့စိုက်ထူ၍ စွမ်းအင်ကူးပြောင်းရေးကို အရှိန်အဟုန်မြှင့် လုပ်ဆောင်နေပါသည်။ လေယာဉ်ပေါ်မှ စိမ်းစိမ်းစိုစို တွေ့မြင်ရသော ဆီအုန်းစိုက်ခင်းကြီးများ သည် မလေးရှားနိုင်ငံ၏ စီးပွားရေးတွင် အလွန်အရေးပါသော အဓိက ကဏ္ဍတစ်ခု ဖြစ်ပါသည်။မြန်မာသို့ ရောက်ရှိလာမည့် ဆားအုန်းဆီများ၏ စိုက်ခင်းများသည် မြစိမ်းရောင်ညှို့နေသည်။ မလေးရှားသည် အင်ဒိုနီးရှားပြီးလျှင် ကမ္ဘာပေါ်တွင် ဒုတိယအများဆုံး စားအုန်းဆီ ထုတ်လုပ်တင်ပို့သည့် နိုင်ငံ ဖြစ်ပြီး၊ လေဆိပ်မှ မြို့တွင်းသို့ လာရာလမ်းတစ်လျှောက် အနိမ့်အမြင့် တောင်ကုန်းများတွင် စနစ်တကျ စိုက်ပျိုးထားသော ဆီအုန်းပင်များ၏ ရှုခင်းက မလေးရှားနိုင်ငံသို့ ရောက်ရှိကြောင်း ပေါ်လွင်စေသည့် ထင်ရှားသော သင်္ကေတတစ်ခုလည်း ဖြစ်ပါသည်။ လေယာဉ်ပေါ်မှကြည့်လျှင် မြေကွက်အကျယ်ကြီးများကို မြေညှိ၍ လမ်းများနှင့် မြို့ကွက်သစ်များ စနစ်တကျ ဖော်ထုတ်နေသည်ကို တွေ့ရမည်ဖြစ်သည်။ ဤသည်မှာ မလေးရှားနိုင်ငံ၏ စက်မှုဇုန်များ၊ ဒေတာစင်တာ ဇုန်များနှင့် အိမ်ရာစီမံကိန်းသစ်များ အရှိန်မြှင့် ဆောက်လုပ်နေမှုကို ထင်ဟပ်နေခြင်း ဖြစ်ပါသည်။ အထူးသဖြင့် လေဆိပ်ဝန်းကျင်နှင့် ကွာလာလမ်ပူမြို့ပြင် နယ်မြေများတွင် နိုင်ငံတကာ ရင်းနှီးမြှုပ်နှံမှုများကို ဆွဲဆောင်ရန်အတွက် အခြေခံအဆောက်အအုံများနှင့် စက်မှုကဏ္ဍသစ်များကို အရှိန်အဟုန်ဖြင့် တိုးချဲ့ဆောက်လုပ်နေသည်ကိုတွေ့ရသည်။ #popularmyanmar #popularnews #news — TikTok de @popularnewsjournal