တီးတိန်တွင် နေအိမ်ဖောက်ထွင်းပြီး ဖုန်းခိုးယူခဲ့သူတဦးကိုအနီးရှိစတိုးဆိုင်အတွင်း အမျိုးသမီးတစ်ဦးကိုပါ အတင်းအဓမ္မ ပွေ့ဖက်နေချိန် ဖမ်းဆီးရမိ အောက်တိုဘာ ၊ ၃ ရက် The Justice Wave ချင်းပြည်နယ်၊ တီးတိန်မြို့တွင် နေအိမ်တစ်လုံးအတွင်း ဝင်ရောက်ဖောက်ထွင်းကာ လက်ကိုင်ဖုန်း ၂ လုံး ခိုးယူခဲ့သူတစ်ဦးသည် အနီးရှိ စတိုးဆိုင်သို့ ဆက်လက်ဝင်ရောက်ပြီး ဈေးဝယ်နေသည့် ဆရာမတစ်ဦးကို အတင်းအဓမ္မ ပွေ့ဖက်သဖြင့် ဒေသခံများက ဝိုင်းဝန်းဖမ်းဆီးခဲ့ကြောင်း သိရသည်။ အဆိုပါဖြစ်စဉ်သည် အောက်တိုဘာ ၁ ရက်က တီးတိန်မြို့၊ လွိုင်ဘွာလ်ရပ်ကွက်တွင် ဖြစ်ပွားခဲ့ခြင်းဖြစ်သည်။ ဒေသခံများ၏ ပြောကြားချက်အရ နေအိမ်ပိုင်ရှင်များ အိမ်အောက်ထပ်သို့ ခေတ္တဆင်းနေချိန်အတွင်း အဆိုပါအမျိုးသားက အိမ်အတွင်း ဝင်ရောက်ကာ စားပွဲပေါ်တွင် အားသွင်းထားသည့် ဖုန်း ၂ လုံးကို ယူဆောင်သွားခဲ့ပြီး အိပ်ခန်းအတွင်းရှိ ပစ္စည်းများကိုလည်း မွှေနှောက်ရှာဖွေခဲ့သည်ဟု ဆိုသည်။ ထို့နောက် အနီးရှိ စတိုးဆိုင်သို့ ဆက်လက်ဝင်ရောက်ခဲ့ပြီး ဆိုင်အတွင်း ဈေးဝယ်နေသည့် ဆရာမတစ်ဦးကို အတင်းအဓမ္မ ပွေ့ဖက်ခဲ့ရာ ဆရာမက အော်ဟစ်အကူအညီတောင်းခံခဲ့သဖြင့် ပတ်ဝန်းကျင်ရှိ ဒေသခံများက ဝိုင်းဝန်းဖမ်းဆီးခဲ့ကြောင်း သိရသည်။ ထိုအချိန်တွင် နေအိမ်ပိုင်ရှင်များက ဖုန်းများပျောက်ဆုံးနေသည်ကို သိရှိကာ လိုက်လံစုံစမ်းနေစဉ် လူများဝိုင်းဝန်းဖမ်းဆီးနေသည့်နေရာသို့ ရောက်ရှိခဲ့ပြီး ဖမ်းဆီးခံထားရသူသည် နေအိမ်ဖောက်ထွင်းသူဖြစ်ကြောင်း ဆက်စပ်သိရှိခဲ့ရသည်။ ဖမ်းဆီးရမိသူသည် တွီတွန်းကျေးရွာသားဖြစ်ပြီး လက်ရှိတွင် တီးတိန်မြို့၊ လိုင်လုမ်းရပ်ကွက်၌ နေထိုင်သူဖြစ်ကြောင်း ဒေသခံသတင်းရင်းမြစ်များက ပြောသည်။ သတင်းရင်းမြစ် - ဒေသခံများ Video - CJ #thejusticewave #တီးတိန် #ချင်းပြည်နယ် #ဖောက်ထွင်းမှု #ဖမ်းဆီးရမိ #ဒေသတွင်းသတင်းရင်းမြစ် — TikTok de @the.justice.wave