සදාචාරාත්මක කරුණු සැලකිල්ලට ගනිමින්, ස්කොට්ලන්තයේ ග්ලාස්ගෝ නගරයේ කෞතුකාගාර දෙකක් ඊජිප්තු… — @hirunews

Video-Einblicke

Das TikTok-Video „සදාචාරාත්මක කරුණු සැලකිල්ලට ගනිමින්, ස්කොට්ලන්තයේ ග්ලාස්ගෝ නගරයේ කෞතුකාගාර දෙකක් ඊජිප්තු මමීවරුන්ගේ දේහ ප්‍රදර්ශනයෙන් ඉවත් කර තිබෙනවා. Kelvingrove කලාගාරයේ ප්‍රදර්ශනය කර තිබූ පූජක Nekhtගේ මමී දේහය මහජන ප්‍රදර්ශනයෙන් ඉවත් කර ඇති අතර, The Hunterian කෞතුකාගාරයේ Lady Shep-En-Horගේ දේහය විශේෂයෙන් නිර්මාණය කළ රෙදි ආවරණයකින් වසා ඇති බවයි BBC පුවත් සේවය සඳහන් කරන්නේ. මියගිය පුද්ගලයන් සම්බන්ධයෙන් තමන්ට පැවරෙන රැකවරණ වගකීම නැවත සලකා බැලීමෙන් පසුව මෙම තීරණ ගත් බව එම ආයතන සඳහන් කර තිබෙනවා. කෞතුකාගාර පිළිබඳ ජාත්‍යන්තර කවුන්සිලය (ICOM) සිය ආචාරධර්ම සංග්‍රහය සංශෝධනය කරමින්, මිනිස් දේහවල අන්තර්ගත ගෞරවය රැකිය යුතු බව නිර්දේශ කිරීමෙන් අනතුරුව මෙම තීරණ ගෙන ඇති බව සඳහන්. අදාළ රටකින් හෝ ආයතනයකින් ඉල්ලීමක් ලැබුණහොත්, දේහ නැවත භාරදීම පිළිබඳ සලකා බලන බව කෞතුකාගාර දෙකම සඳහන් කර තිබෙනවා. කෙසේ වෙතත්, ස්කොට්ලන්තයේ සියලුම කෞතුකාගාර මෙම කරුණ සම්බන්ධයෙන් එකම ප්‍රවේශයක් අනුගමනය කර නොමැත. ඒ ඒ ආයතනවලට ආචාරධර්ම සංග්‍රහය ක්‍රියාත්මක කරන ආකාරය තීරණය කිරීමට ඉඩ ලබාදී තිබෙනවා. ස්කොට්ලන්ත ජාතික කෞතුකාගාර (NMS) ප්‍රකාශකයෙකු සඳහන් කර ඇත්තේ, එහි එකතුවේ ඇති මිනිස් දේහ ප්‍රදර්ශනය කිරීම සම්බන්ධයෙන් මේ වනවිට වෙනසක් කිරීමට අදහසක් නොමැති බවයි. එහි ස්කොට්ලන්ත පුරාවිද්‍යාත්මක දේහ මෙන්ම ඊජිප්තුවේ සහ පේරු රාජ්‍යයේ මමීවරුන් ද ඇතුළත් විශාල එකතුවක් පවතිනවා. Kelvingrove කලාගාරය පාලනය කරන Glasgow Life ආයතනය සඳහන් කර ඇත්තේ, මියගිය පුද්ගලයාගෙන් හෝ ඔහුගේ පරම්පරාවෙන් ලැබුණු කැමැත්තක් පිළිබඳ සාක්ෂි නොමැති බැවින් Nekhtගේ දේහය සහිත චිත්‍ර අඳින ලද මිනී පෙට්ටිය ප්‍රදර්ශනයෙන් ඉවත් කළ බවයි. Nekht ක්‍රිස්තු පූර්ව 1985ත් 1797ත් අතර කාලයක ජීවත් වූ බවට සැලකෙන අතර, 20 වැනි සියවසේ මුල් භාගයේදී මධ්‍යම ඊජිප්තුවේ Beni Hasan ප්‍රදේශයෙන් ඔහුගේ දේහය සොයාගෙන තිබෙනවා. එම දේහ 1923දී ග්ලාස්ගෝ නගරයට පරිත්‍යාග කර තිබුණා. Glasgow Life ප්‍රකාශකයා සඳහන් කර තිබෙන්නේ, දේහ ප්‍රදර්ශනයෙන් ඉවත් කිරීම සමකාලීන කෞතුකාගාර භාවිතයට අනුකූල බවයි. නව කෙටුම්පත් ප්‍රතිපත්තිය අනුව, මියගිය පුද්ගලයාගේ හෝ සුදුසු අවස්ථාවලදී ඔහුගේ පරම්පරාවේ දැනුවත් කැමැත්ත ලේඛනගතව ඇති විට පමණක් දේහ ප්‍රදර්ශනය කිරීමට යෝජනා කර තිබෙනවා. ලක්සෝර්හි රජුන්ගේ නිම්නයෙන් සොයාගත් මමීකරණය කළ පිරිමි හිසක්, දකුණු පාදයක් සහ දකුණු අතක් ද ප්‍රදර්ශනයෙන් ඉවත් කර ඇති බව සඳහන්. The Hunterian කෞතුකාගාරය පැවසුවේ, ඊජිප්තු විද්‍යාඥයන්ගෙන් උපදෙස් ලබාගැනීමෙන් පසුව, වඩාත් සදාචාරාත්මක ආයතනයක් බවට පත්වීමේ කැපවීමේ කොටසක් ලෙස Lady Shep-En-Horගේ දේහය ආවරණය කළ බවයි. එම සාකච්ඡාවලින් පසුව, ඇයට මරණයෙන් පසුව පෞද්ගලිකත්වය හිමිවිය යුතු බවට තීරණය කර තිබෙනවා. 1820 සිට බොහෝ කාලයක් මහජන ප්‍රදර්ශනයේ පැවති ඇගේ අලංකාර මිනී පෙට්ටිය තවදුරටත් ප්‍රදර්ශනය කෙරෙනවා. එය පසුකාලීන පුරාණ ඊජිප්තු අවමංගල්‍ය කලාවේ විශිෂ්ට නිර්මාණයක් ලෙස කෞතුකාගාරය හඳුන්වනවා. Lady Shep-En-Horගේ දේහය මිනී පෙට්ටියෙන් ඉවත් කර නැති නමුත්, පසුගිය වසර 50 තුළ එක්ස්-රේ සහ CT ස්කෑන් පරීක්ෂණවලට ලක් කර තිබෙනවා. 19 වැනි සියවසේදී කැණීම් කළ අවස්ථාවලදී, ඇතැම් විට විවිධ මිනී පෙට්ටිවල තිබූ දේහ මාරු කර, වඩා හොඳින් ආරක්ෂා වූ දේහ වඩාත් හොඳ තත්ත්වයේ හෝ අලංකාර මිනී පෙට්ටිවල තැන්පත් කළ බව The Hunterian පවසා තිබෙනවා. ඒ හේතුවෙන් එම මිනී පෙට්ටියේ ඇති දේහය සැබැවින්ම Lady Shep-En-Horගේ දේහයද යන්න පිළිබඳව 1970 දශකයේදී මත කිහිපයක් ඉදිරිපත් වී තිබුණා. ජූනි මාසයේදී සංශෝධනය කළ ICOM ආචාරධර්ම සංග්‍රහය අනුව, කෞතුකාගාර මිනිස් දේහවල ගෞරවය ආරක්ෂා කළ යුතු අතර, ඒවායේ වැදගත්කමට ගරු කිරීම ප්‍රවර්ධනය කළ යුතුයි. දේහ සහ ඒවාට අදාළ එකතු කිරීම් පිළිබඳ තීරණ, දන්නා අවස්ථාවලදී ඒවායේ පරම්පරාවන් හෝ ඒවාට සම්බන්ධ ප්‍රජාවන් සමග එක්ව ගත යුතු බව ද එහි සඳහන්. ICOM ආචාරධර්ම කමිටුවේ සාමාජික මහාචාර්ය Steph Scholten සඳහන් කර ඇත්තේ, එම සංග්‍රහය මගපෙන්වීමක් පමණක් වන අතර, අවසන් තීරණය අදාළ ආයතනය සතු බවයි. මිනිස් දේහ ප්‍රදර්ශනය කිරීම පිළිබඳව සැලකිලිමත් ලෙස සලකා තීරණ ගත යුතු බව එයින් අවධාරණය කරන නමුත්, සියලුම දේහ ප්‍රදර්ශනයෙන් ඉවත් කළ යුතු බවට එය නියම නොකරන බව ඔහු වැඩිදුරටත් සඳහන් කර තිබෙනවා. මූලාශ්‍රය : BBC #HiruNews #HiruNewsLK #TruthAtAllCosts“ von @hirunews kommt laut den von diesem Index erfassten öffentlichen Kennzahlen auf 1.251 Aufrufe, 24 Likes, 0 Kommentare, 0 Shares. Das entspricht einer Engagement-Rate von 1,92 % (Likes, Kommentare und Shares im Verhältnis zu den Aufrufen). Es wurde vor 8 Tagen gepostet und dauert 0 Sekunden. Es wurde 1 Mal gespeichert.

Häufige Fragen

Wie viele Aufrufe hat dieses TikTok-Video?

Die hier indexierte Erfassung meldet 1.251 Aufrufe, 24 Likes und 0 Kommentare.

Wer hat dieses TikTok-Video gepostet?

Gepostet wurde es von @hirunews, das Profil ist auf dieser Seite verlinkt.

Wie hoch ist die Engagement-Rate dieses TikTok-Videos?

Über die erfassten Kennzahlen hinweg liegt die Engagement-Rate bei 1,92 % (Likes + Kommentare + Shares im Verhältnis zu den Aufrufen).

Wann wurde dieses TikTok-Video gepostet?

Gepostet am 2026-10-24, vor 8 Tagen.